Lub sij hawm dhau mus lis tus dej ntws tsis muaj hnub tig tau rov qab, txoj kev hlub uas kojmuaj muab rau kuv kuj hnov nws ploj zuj zus thiab tsuag zos mus raws lis lub sij hawm, suav txij lis hnub uas koj ncaimkuv mus txog tav lis no muaj ntau yam kuv kuj xav hais tias cias muab nws tso pov tseg thiab txhob muab los xav txog lawm tiam tsi muaj qees yam kuv yeej hnov qab tsis tau nws mus tiag lis tab txawm kuv yuav cheem kuv lub siab no kom txhob xav txog nws lawm los txhua zau uas ntsia nws ua rau kuv nco thiab rov uas rau kuv xav txog koj qhov ntawv yog kab caws pliav uas koj tso tseg rau kawm kuv sab caj ncab ib zaug thaum kuv chais txiv rau koj noj ntawv xav txog lub sij hawm ntawv ua rau kuv nco koj zoo yam pom koj zem zuag thiab koj tseem zaum nyob rau ntawv os tus neeg kuv hlub. Cas txhua yam nws yuav zoo tsis raws lis yus lub siab xav ib qhome melis puas yog lub ntiaj teb no thiaj yog muaj ntau yam tsis ncaj ncees lis os, hlub koj npaum cas los txawm yuav tau cias koj mus ntawm kuv lub xub ntiag yam uas tsis paub hais los lus twg los cheem tau koj nyob lis. kuv kuj tseem nco tau tias koj kuj muaj ib kab caws pliav nyob ntawm koj saib plus pob tsaig sab xis thiab nws yog thawj zaug uas koj tau hais rau kuv tias kuv yog thawj tus uas koj xav piav qhias txhua yam txog koj tus nkeej, koj tau piav tias koj uas xyooj tshum rau koj sab plus to thaum me lawm kuv tseem nco ntsoov nws cias rau hauv kuv lub nruab siab tsis ploj lis tseem xav txog thaum kuv saib thiab rho sab tes nws plws nws zoo yam lis koj tseem nyob ntawm no os. kuv xav tias ib hnub twg ua muaj txoj hmoo koj thiab kuv rov tau sib ntsib thaum uas wb lau lau rig mas lawm xwb ntshe kuv yuav muab qhov ntawv uas qhov cim koj cias thiab zeem kom tau koj dua ib zaug. Lub ntiaj teb no muaj coob leej ntau tus tsis muaj hmoo lis wb thiab tiam si kuv yeej ntseeg tias ib leeg yeej cim tus nws nws hlub ib yam cias rau hauv nrhuav siab zoo lis wb thiab qhov ntawv yuav yog qhov dej siab uas kuv yuav xav twj ywm cias kom kuv muaj lub siab xav ua tib neeg nyob rau hauv lub ntiaj teb uas tsis muaj kev hlub no os. Kuv nplooj siab tus neeg zoo koj puas paub tias txhua yam ntawm koj yuav muaj nqis rau kuv tag nrho lis os nws zoo ib yam lis ib qho cim qhib kev rau kuv lub neej thiab muaj lub siab xav nyob mus lawm yav tom ntej kuv nteeg tau hais tias ib hnub twg nws yuav coj wb rov los sib ntsib tab txawm tias thaum ntawv wb yuav tsis zoo lis qub nyias muaj nyias lub neej lawm los nws yuav yog ib qho puav pheej cim cias rau wb ob lub nruab siab tias kom ib txwm thiab ib zaug tau yog tus neeg uas kuv hlub thiab hlub tshaj txhua yam thiab. Koj tau hais rau kuv tias "Txhob tos kuv lawm nawb mog" thaum kuv hnov los lus no hnov kuv nplooj siab nws mob heev lis os koj puas paub nws mob yam lis tab tom muab kuv lub siab no coj mus rau hauv lauj kaub dej kub uas nws yuav npau dhum dham tsis muaj hnub tu lis. Tiam si hnub no kuv nkag siab lawm hais tias muaj qees yam yus hlub hlub tiam si nws yeej yuav tsis yog yus tug mus ib sim kuv yuav uas lis koj hais yuav tsis tos koj lawm mog, muaj ntau yam txog ntawm koj kuv yeej tseem nco tau zoo heev nws zoo lis tsis ploj ib pliag ntawm kuv lub zaim muag lis os kuv xav tias lis ntawv xwb txau lawm os cias kuv mam khaws txoj kev ua zoo ntawv thiab koj tus duab luag ntxhi ntawv cias hauv nplooj siab tsis qhuav ntshav no cias mog.
Kuv tsua vam twj ywm cias tias ib hnub twg wb yuav muaj txoj hmoo los sib ntsib thaum ntawv txhua yam nws yuav dhau ua ib zaj dab neeg kuv mam lis piav rau koj mloog txog ib txoj kev hlub mus tsis kawg ntsi tiam si muaj nqis tshaj txhua yam ntawv rau koj mloog os.
Kuv tseem hlub koj tab txawm natwv tsua yog txoj kev hlub uas hais tawm tsis tau los ua lub suab.
Cim koj cias rau nruab siab zoo yam kuv ntsia tus po chob rau hauv uas tsis muaj hnub muab rho tawm tau.
Nco koj zoo yam lis nyob tom plawv hiav txwv xuab zeb nrhiav tsis tau dej hau.
P/S: Tus neeg hlub koj....Kab caws pliav hauv nruab siab tsis muaj hnub nqawm.
Nhận xét
Đăng nhận xét