Nplooj siab tus neeg uas kuv hlub koj puas paub tias lub sij hawm no kuv nyob zoo yam lis yus neeg ua khwv heev lis uas tsua muab lub siab no los xav txog koj thiab ntawm wb txoj kev hlub tas lis xwb, txhua lub sij hawm ntsib noj hnov kuv lub siab mob ntsim txhis zoo yam lis muaj ib tug po chob ntsia ntsoov nyob rau hauv lis koj puas yuav paub os? Yam ntawv ces yog qhov ua lub sij hawm ntawm wb zoo yam lis lub caij nyoog tab tom suav rov qab xwb ua tsis yog suav mus lawm tim ntej lis, nws zoo lis yuav txog lub caij xau lawm tiag tiag zoo yam zaj movie uas cov neeg saib tsis tas yuav saib tag los lawv yeej twv tau tias nws yuav xaus rau ib txoj kev ua tu siab xwb. Kuv tsis tu siab vim wb los sib ntsib ib zaug os yam kuv tu siab tshaj yog vim kuv txoj hmoo xwb, kuv paub tias koj hlub kuv kuv paub tias koj txaus siab ua txhua yam vim wb txoj kev hlub, tiam si kuv siab tsis kheev lis uas yuav txiav koj txoj kev npau suav uas koj baj siab thiab cias siab los ntev thiab yog yam uas koj tsev neeg lawv xav tau. Kuv xav ua ib tug neeg twm zeej thiab tsua xav txog yus tus kheej xwb es xav muab koj rub nre los rau kuv xwb, tiam si kuv yuav uas cas tau vim uas lis ntawv yuav txiav tag koj tus bau suav, kuv tsis paub yuav ua txoj twg lis lawm os thiaj lis yuav zoo rau wb, kuv xav tias cias kuv mam lis mus twj ywm tawm hauv koj lub neej mus xwb ntshe yuav zoo rau koj thiab yuav tsis yog tus txiav koj txoj hau kev os tus neeg zoo. Txhua lub sij hawm thaum pom koj luag ntxhis hnov kuv lub siab mob heev lis os, kuv xav los nkawm kiag koj cias thiab hais rau koj tias koj nrog kuv nyob xwb mog, tiam si kuv tsua xav tau xwb kuv hais tsis tau tawm los tias kuv hlub koj npaum cas thiab xav yog tus neeg uas koj hlub thiab ua ib tug txiv zoo rau koj. Koj tseem tshuav ntau ntau yam hauv koj lub neej uas tseem yuav ua, tseem yuav muaj tej phooj tej ywg tso dag tso luag, tseem muaj txoj kev ntshaws tej yam khaub ncaws zoo hnav, tseem ntshaws muaj lub meej mom , muaj kev nyiam thiab ntshaws los ntawm lwm tus...Ho ntawm kuv nws txawv deb heev lis lawm os tus hlub kuv tsua xav muaj ib lub neej nrog tus neeg uas yus hlub thiab ua yam muaj txiaj ntsig rau yus tsev neeg xwb, hlub yus cov neeg uas yus hlub xwb. kuv paub tias koj tseem tsis tau baj lub siab muaj ib lub neej nrog kuv.
Kuv thiaj xav tias nws yuav zoo dua yog ziag no kuv tawm hauv koj lub neej mus lis ntawv thiaj yuav zoo rau koj lub neej thiab koj txoj kev bau suav uas koj tseem baj yuav ua nyob yav tom ntej. Kuv xav kom muaj ib hnub twg koj nyeem tau tsab ntawv no xwb os tus hlub txog hnub ntawv koj thiaj nkag siab tias yog vim lis cas kuv mus thiaj tsis qhias rau koj paub os.
Kuv hlub koj T
Nhận xét
Đăng nhận xét